Палессе, зіма 1943–44 → лета 1944. Фронт ідзе на захад, і ўсе ў краі лічаць адно і тое ж: дацягнуць да вясны. Ты — Міхась, фельчар з «Багны». Побач Алёна, дзіця, Рэзо. Вызваленне прыйдзе. Але вайна не адпускае тых, хто яе перажыў, у той самы дзень, калі сыходзіць сама.
Першая частка пыталася, чый бок выбраць. Другая — ці можна застацца чалавекам унутры таго, што выбраў. Трэцяя — каму ты цяпер свой.
Твае рашэнні з другой часткі пераходзяць сюды кодам спадчыны: дзе ты перажыў блакаду, што сталася з Вольшанамі, хто заплаціў жыццём, як з табой Алёна і Рэзо. Няма кода? Гульня задасць некалькі кароткіх пытанняў і збярэ тваё мінулае нанова — або пачні з канону адным дотыкам.
Спадчына вырашае, дзе ты зімуеш, і ў кожнай зімы свой голад:
лекар пры штабе, дзе няма лекаў.
родная хата пад немцам, дзе няма бяспекі.
сямейны лагер уцекачоў у глушы, дзе няма ежы.
чужы кут і чужое імя — свая лінія да самага канца.
Выпаленая зямля, вялікая аблава, пыл вызвалення — і дарогі сыходзяцца там, дзе вайна канчаецца.
Нішто не праходзіць бясследна — у кожнага рашэння ёсць свая цана. З гэтага пачыналася «Багна»: у першай частцы цаной быў выбар боку, у другой — тое, што ты гатовы аддаць, каб застацца чалавекам. У трэцяй вайна сыходзіць, а цана застаецца з тымі, хто яе заплаціў. Тут няма правільных адказаў — ёсць твае.
Суровы рэалізм у традыцыі Васіля Быкава і Алеся Адамовіча: маленькі чалавек, немагчымыя рашэнні і цана, якую плаціць не заўжды той, хто выбіраў.
Уся гісторыя цяперашняга і ўсе канцоўкі — бясплатна.
Паміж раздзеламі вайны ў гульні жыве іншае жыццё — «Былое», чатыры раздзелы пра Міхася да вайны: хлопчык з лямпай над сталом бацькі-фельчара, маці і ўсё, чаму яна паспела навучыць, маладая Алёна на Купаллі, апошняе мірнае лета сорак першага, калі ўсе яшчэ жывыя. Без іх гісторыя поўная і даходзіць да любой канцоўкі. Але з імі яна гучыць інакш: робіцца відаць, адкуль у Міхасі тое, што трымае яго ў самую цяжкую зіму, — і што менавіта ён губляе. «Аўтарскае выданне» — разавая пакупка: чатыры раздзелы «Былога» і ніякай рэкламы. Калі «Багна» стала табе блізкай, гэта самы поўны спосаб яе прайсці — і спосаб падтрымаць аўтара.
Памяці тых, каго вызваленне застала жывымі.
Абнаўленні
«Багна» ўжо ў App Store і Google Play, другая частка ужо ў App Store — у Google Play з’явіцца крыху пазней. Падпішыся: напішам пра Android і пераклады, плюс навіны гульні. Без спаму.
Пішам рэдка і толькі па справе. Адпісацца можна ў любы момант.
